ដោយសារពេលវេលាមានរយៈពេលយូរ ពាក្យថា “Love“ បាន ក្លាយជាប្រធានបទដែលគេយកមកគិតនិងនិយាយលាយឡំជាមួយមនោសញ្ចេតនា។ ហេតុផលគឺធម្មតាទេពោលគឺយើងនិយាយច្រើនពីរឿងដែលយើងមិនអាចយល់ ដោយងាយ ហើយវាពិបាកណាស់ក្នុងការនិយាយឃ្លាថា “I Love You“ ទៅកាន់នរណាម្នាក់។ តែគួរកុំទាន់អស់សង្ឃឹមអីសូមផ្ដល់ឱកាសឱ្យអ្នកតាំងចិត្តនិយាយ ឃ្លានេះដោយក្លាហានហើយ។
ពេលគួរធ្វើ
ដំបូងអ្នកត្រូវច្បាស់ខ្លួនឯងថាតើអ្នកពិតជាស្រលាញ់មនុស្សដែល អ្នកចង់និយាយពាក្យ៣ម៉ាត់ថា I Love You ទេ? នេះមិនមែនជាឃ្លាងាយស្រួលសម្រាប់និយាយទេ ដូច្នេះនិយាយវាពេលអ្នកដឹងថាអ្នកចង់និយាយចេញពីបេះដូងពិត។
ពេលវេលានិងទីកន្លែងស័ក្តិសម
ពេលអ្នកដឹងថាក្តីស្រលាញ់របស់អ្នកចំពោះគេគឺពិត ប្រាកដ ជំហានបន្ទាប់គឺត្រូវសម្រេចចិត្តជ្រើសពេលវេលានិងកន្លែងស័ក្តិសម។ Valentine’s Day គួរ តែជាថ្ងៃពិសេសសម្រាប់មនុស្សជាទីស្រលាញ់របស់អ្នកហើយ។ បើគេម្នាក់នោះចង់ឱ្យអ្នកស្រលាញ់និងថ្នាក់ថ្នម ឬខ្លួនអ្នកផ្ទាល់ចង់និយាយពាក្យ I Love You មិន អាចបំភ្លេចបានក្នុងជីវិត អ្នកគួរជ្រើសពេលវេលានិងទីកន្លែងស័ក្តិសមបំផុតព្រោះនេះនឹងជួយ បង្កើនអារម្មណ៍សម្រាប់ឱកាសដ៏ពិសេសនោះ។
របៀបនិយាយ
ពេលត្រៀមជំហានទាំងពីរខាងលើរួចហើយ ជំហានបន្ទាប់គឺត្រូវគិតពីរបៀបនិយាយពាក្យថា I Love You នោះ។ វិធីល្អបំផុតក្នុងការធ្វើគឺប្រាប់ដោយត្រង់បើសិនជាអាចទៅរួច។ និយាយឃ្លានោះដោយមានកាន់នូវបាច់ផ្កា កាដូ សូកូឡា ឬសរសេរពាក្យ I Love You លើអ្វីមួយរួចលើកបង្ហាញគេក៏បាន។ បើបានរៀបកាដូផ្សេងឱ្យបានល្អម៉ត់ចត់សម្រាប់ជូនគេទៀតគឺកាន់តែ ប្រសើរ។
ត្រៀមខ្លួនជាមុន
វា ជារឿងធម្មតាទេពេលអ្នកមានអារម្មណ៍ភ័យអរបើអ្នកមិនដឹងថាគេ នឹងមានប្រតិកម្មយ៉ាងដូចម្ដេចនោះ។ ទោះជាយ៉ាងណាក៏ដោយ អ្នកគួររឹងមាំជានិច្ចក្នុងការទទួលនូវចម្លើយដែលអ្នកមិនបានដឹង នោះ។ វាជាការប្រសើរបើអ្នកធ្វើឱ្យខ្លួនឯងនិងអ្នកនៅជុំវិញចាំ ទស្សទាយពីលទ្ធផល។ ទោះជាលទ្ធផលយ៉ាងណាក៏ដោយ ក៏អ្នកនឹងមិនមានការស្ដាយក្រោយក្នុងជីវិតដែរ។
មានឃ្លាមួយថា “ស៊ូយឺតប្រសើរជាងអត់” ដូច្នេះក្លាហានឡើង ប្រាប់មនុស្សដែលអ្នកស្រលាញ់ថា I Love You មុនវាហួសពេលនិងមុនអ្វីៗត្រូវបាត់បង់នៅពេលណាមួយ។
