បុរសខ្លះចូលចិត្ត ភាពប្រណិប្រណាក់តែបុរសខ្លះទៀតចូលចិត្តភាព ម៉ឺងម៉ាត់ចំពោះរឿងស្នេហ៍។ បើនិយាយថាឆ្វេងគឺគ្មានស្ដាំនោះទេ។ ហើយបុរសប្រភេទនេះបើទោះជាស្រលាញ់នារីម្នាក់ខ្លាំងយ៉ាងណាក៏ដោយ ក៏មិនលេបសម្ដីរបស់ខ្លួនដែរសុខចិត្តឈឺចាប់។ ខាងក្រោមនេះជាលក្ខណៈមួយចំនួនដែលបុរសមាន៖
១. បុរសត្រូវការស្ត្រីដែលមានភាពក្លាហាន
បុរសត្រូវការនារី ដែលមានភាពក្លាហានក្នុងរឿងស្នេហា ត្រូវការយ៉ាងណាធ្វើយ៉ាងនោះ។ នៅពេលដែលនារី ខ្វះភាពក្លាហាន ទន់ជ្រាយមិនចេះបត់បែនទៅតាមកាលៈទេសៈ អាចធ្វើឲ្យបុរសឆាប់នឿយណាយ។
២. ភាពរាក់ទាក់គឺអ្វីដែលបុរសចង់បានពីនារី
នៅពេលដែលបុរស លះបង់អ្វីគ្រប់យ៉ាងដើម្បីមនុស្សដែលខ្លួនស្រលាញ់ ក្នុងចិត្តសង្ឃឹមថានារីនោះ នឹងតបស្នងមកវិញនូវ មនោសញ្ចេតនា រួសរាយ ស្រស់ស្រាយ និងរអឹករអឺន។ បើខាងស្រីមុខមិនរីក មានតែបញ្ហា តើបុរសណាហ៊ានចូលមកចែករំលែកនូវភាពរីករាយទេ។
៣. បុរសលះបង់ខ្ពស់ក្នុងរឿងស្នេហា
បុរសទាំងឡាយតែងតែ យកចិត្តទុកដាក់ក្នុងរឿងស្នេហា គេអាចលះបង់ការងារនិងទំនាក់ទំនងរវាងឪពុកម្ដាយ រត់តាមមនុស្សដែលគេស្រលាញ់។ នៅក្នុងអារម្មណ៍របស់ពួកគេមិនទទួលស្គាល់បរាជ័យនោះទេ គេមានជំនឿទៅលើសេចក្ដីស្នេហា។
៤. បុរសចង់ឲ្យស្ត្រីយល់ចិត្តខ្លួនឲ្យបានច្រើន
ការយល់ចិត្តរបស់ ភរិយាចំពោះស្វាមី ជាមែកធាងដ៏ធំនៃសុភមង្គល។ បុរសចង់ឲ្យនារីយល់ចិត្តខ្លួនឲ្យបានច្រើន ទាំងការរស់នៅនិងសកម្មភាពលើគ្រែផងដែរ។ បើទោះជាពេលខ្លះបុរសមានភាពហួងហែងខ្លាំងពេក មិនចង់រស់នៅក្នុងស្ថានភាពស្មើភាពគ្នាខ្លាំងពេកទេ តែអ្វីដែលសំខាន់ត្រូវចេះបំពេញចិត្តគ្នា ទើបអាចទាញសុភមង្គលបាន។
៥. មិនចង់ឲ្យសងសឹកដោយមនោសញ្ចេតនា
ជាការពិតស្ដាប់ទៅ ហាក់ដូចជាមានភាពលំអៀង អយុត្តិធម៌ចំពោះនារី។ ជាក់ស្ដែងនៅពេលដែលបុរសមានស្រីនៅខាងក្រៅ បុរសមិនចង់ឲ្យមានការសងសឹក ដោយនារីមានដៃគូនៅខាងក្រៅដែរនោះទេ។ ស្ត្រីមានសហាយស្មន់ត្រូវបានគេវាយតម្លៃថាជាស្រីក្បត់ តែចំពោះបុរសវិញចាត់ទុកថាជារឿងធម្មតា។
៦. កាមគុណ
បុរសមួយចំនួនធំ មិនឯកភាពថា ស្នេហានិងកាមគុណខុសគ្នានោះទេ។ ជាការពិត នៅពេលដែលបុរសមានសេចក្ដីស្នេហាចំពោះនរណាម្នាក់ គេអាចនឹងមានចំណង់ផ្លូវភេទ។
៧. បុរសមិនចូលចិត្តការរអ៊ូរទាំច្រើន
មិនថាកំហុសធំឬ តូចនោះទេ បុរសទាំងអស់មិនចូលចិត្តការរអ៊ូរទាំច្រើនឡើយ។ ជាងនេះទៅទៀត បុរសមិនចង់ឲ្យប្រពន្ធ យកឥទ្ធិពលរបស់អ្នកដទៃមកប្រៀបប្រដូចនឹងខ្លួនឡើយ។
៨. ស្លាប់ដើម្បីយុត្តិធម៌
គេទទួលស្គាល់ថា បុរសហ៊ានស្លាប់ដើម្បីមនុស្សដែលខ្លួនស្រលាញ់ និងហ៊ានការពារអ្វីដែលខ្លួនគិតថា មានយុត្តិធម៌។
៩.ចរិតថ្លៃថ្នូរ
បុរសជាច្រើនបាន ប្រកាន់ឫកពាថ្លៃថ្នូរនិងមានការឱនលំទោនទៅកាន់ មនុស្សទូទៅ។ ចរិតដ៏ប្រពៃនេះហើយដែលស្ត្រីជាច្រើនបានឲ្យតម្លៃបុរសគួរជាទី គោរពនិងស្រលាញ់។
១០. ប្រច័ណ្ឌ
ដោយសារភ្លើង ប្រច័ណ្ឌអាចធ្វើឲ្យបុរសក្លាយទៅជាឃាតកបាន។ ភ្លើងប្រច័ណ្ឌជាការខឹងសម្បារ ព្រោះតែមនោសញ្ចេតនាឬកម្មសិទ្ធិរបស់ខ្លួនត្រូវអ្នកដទៃដណ្ដើមយក។ នៅលើលោកនេះគ្មាននរណាម្នាក់ហ៊ានអះអាងថាខ្លួនមិនចេះប្រច័ណ្ឌនោះ ទេ ។
ដៃគូស្នេហាថ្មីថ្មោង