បើក្នុងរយៈ ពេលខ្លីមានបុរសណាម្នាក់ មកនិយាយប្រាប់អ្នកថា “អូនស្អាតលើសស្រីក្នុងលោក បងស្រលាញ់អូនខ្លាំងណាស់” សូមកុំចាប់អារម្មណ៍នឹងសម្ដីនេះពេក ព្រោះអាចជាសម្ដីបោកប្រាស់ប៉ុណ្ណោះ។ ជាការពិត បើងាយដូចស្ត្រីរកស៊ីផ្លូវភេទ បុរសមិនខ្លាចចំណាយប្រាក់នោះទេ ។ តែដោយសារតែអ្នកមិនមែនជាមនុស្សបែបនោះ ទើបបុរសរកយុទ្ធសាស្ត្រផ្សេងមកវាយលុកដណ្ដើមយកបេះដូងរបស់អ្នក។
ដើម្បីសម្រេចបំណងបុរសមិនខ្លាចលះបង់ នោះទេ ទាំងស្នេហ៍ស្មោះនិងស្នេហ៍មិនស្មោះ។ បុរសខ្លះសុខចិត្តធ្វើមុខក្រាស់ រងនូវការប្រមាថដើម្បីសម្រេចបំណងរបស់ខ្លួន ហើយបុរសខ្លះទៀត ចង់បានការចាប់អារម្មណ៍តាមរយៈ ការផ្គាប់ចិត្តដោយប្រើអំណោយថ្លៃៗ ធ្វើគ្រប់យ៉ាងតាមដែល នារីត្រូវការ។
សព្វថ្ងៃវិធីទាំងនេះ អាចទទួលបានលទ្ធផលគួរជាទីពេញចិត្ត ព្រោះតែនារីមួយចំនួន ភ្លេចខ្លួនភ្លើតភ្លើននឹងវត្ថុមានតម្លៃហើយគិតថាមានប្រាក់អាចមាន អ្វីៗគ្រប់យ៉ាង។ បើនារីណាទន់ចិត្តដោយវិធីនេះហើយ នាងមិនងាយជួបមនោសញ្ចេតនាពិតឬរសជាតិស្នេហ៍ស្មោះឡើយ។ មាននារីច្រើនណាស់ដែលលង់ខ្លួនដោយទិចនិកចម្រុះរបស់បុរស(មាត់ហាដៃ លូក) ហើយលទ្ធផលគឺនាងត្រូវមានវិប្បដិសារៈអស់មួយជីវិត។
No comments:
Post a Comment