ការនិយាយមិនមែនជារឿងពិបាកនោះទេ
តែបើនិយាយឲ្យគេចាប់អារម្ភទើបជារឿងមិនស្រួល។
គួរឲ្យតឹងទ្រូងណាស់
នៅពេលពេញចិត្តនឹងនារីម្នាក់តែមិនដឹងថាត្រូវទៅធ្វើយ៉ាងណាទើប
ធ្វើឲ្យនាងចាប់អារម្មណ៍នោះ។
ដើម្បីទាក់ទាញការចាប់អារម្មណ៍ពីអ្នកដទៃបាន
លុះត្រាតែអ្នកមានការរៀបចំឲ្យបានល្អនូវកត្តា៣គឺ កាយ វាចា
និងចិត្ត។
ខាងក្រោមនេះជាតិចនិកមួយចំនួនដែលអាចជួយឲ្យអ្នកយកបេះដូងនារី
ម្នាក់បាន៖
១. ប្រើភ្នែក
ភ្នែកជាកញ្ចក់ដែលអាចឆ្លុះបញ្ចាំងដល់
ចិត្ត។
ត្រូវសម្លឹងមើលមុខនាងដោយកែវភ្នែកស្រទន់តែកុំយូរពេករហូតដល់
នាងអៀនឲ្យសោះ។ នៅពេលដែលអ្នកសម្លឹងទៅនាងដោយកែវភ្នែកពេញចិត្ត
ហើយនាងលួចសម្លឹងមកវិញដែរនោះ ហាសហ៎ាជាសញ្ញាវិជ្ជមានហើយ!
២. ស្នាមញញឹម
រាល់ពេលជួបមុខនិងសន្ទនា
ត្រូវព្យាយាមឲ្យនាងឃើញស្នាមញញឹមអ្នកដោយស្មោះត្រង់។
ការញញឹមអាចបញ្ជាក់ពីភាពពេញចិត្តដែលអ្នកមានចំពោះនាង។
៣. ណែនាំខ្លួន
បើអ្នកមិនធ្លាប់និយាយជាមួយនាងទេ
ត្រូវចេះចាប់យកឱកាសណែនាំខ្លួនរបស់អ្នកឲ្យនាងស្គាល់។
តែការណែនាំខ្លួនគួរតែនិយាយការពិត មិនគួរអួតពេកទេ។
ម្យ៉ាងទៀតក្នុងដំណាក់កាលសន្សំពិន្ទុនេះ
ត្រូវច្បាស់ថាមាត់របស់អ្នកគ្មានក្លិនអាក្រក់នោះទេ។
៤. ពេលសន្ទនា
ដំបូងគួរផ្ដើមសន្ទនាជាមួយនាងពីរឿងដែល
នៅជុំវិញខ្លួនជាជាងចាប់
ផ្ដើមដំបូងពីរឿងផ្ទាល់ខ្លួនរបស់នាងតែម្ដង។
នៅពេលសន្ទនាត្រូវតែប្រយ័ត្នរាល់ពាក្យសម្ដីដែលបាននិយាយចេញ
ធ្វើយ៉ាងណាឲ្យនាងយល់ថាអ្នកជាមនុស្សមានរបៀបនិងគួរជាទីរាប់
អាន។ ម្យ៉ាងទៀតមិនត្រូវនិយាយកាត់សម្ដីនាងនោះទេ
ត្រូវទុកពេលឲ្យនាងនិយាយតាមសម្រួល
ហើយយកចិត្តទុកដាក់ស្ដាប់ដោយស្នាមញញឹមនិងពាក្យយល់ស្រប។
ជាពិសេសមុនពេលចូលទៅសន្ទនាជាមួយនាង
គួរតែរកចំណុចវិជ្ជមានរបស់នាងឲ្យហើយដើម្បីផ្ដល់ឲ្យនាងនូវការ
សរសើរនៅពេលសន្ទនា។
ហើយអ្វីដែលមិនត្រូវភ្លេចនោះ
ក្នុងពេលសន្ទនាចាំបាច់ត្រូវបញ្ចូលភាពរីករាយដើម្បីឲ្យនាងយល់ថា
នៅក្បែរអ្នកហាក់ដូចជាមានអារម្មណ៍ធូរស្រាល។
៥. កាយវិការ
ត្រូវអង្គុយឲ្យត្រង់ខ្លួននិងជៀសវាងរាល់
កាយវិការដែលមិនគួរគប្បី
ដែលធ្វើឲ្យនាងយល់ថាអ្នកជាមនុស្សដែលមិនគួរឲ្យរាប់អាន។
comments
